أيش افضل طريقة للتنقل من كازا إلي مراكش او طنجة؟


(dhai) #1

اخواني يا ريت تساعدوني

انا مسافر للمغرب في نهاية جولاي لمدة 12 يوم ومخطط على كازا واقادير طبعا مقسمها 7 كازا و5 اقادير
بس ودي اطلع من كازا لمراكش او طنجه بس مدري وش الافضل خصوصا بهذا الوقت وما ادري افضل استاجر سيرها وروح بها ولا اركب القطار وش الشور يا اخوان يعني ممكن اروح بسياره لطنجه ولا بعيده طبعا مع مراعاه والسيله الاوفر


(استشاري ترانزيت) #2

اهلين

استأجر سيارة احسن لك
لان القطار بيتعبك الى مراكش
والباص (( ستيام)) لاقادير تعب ايضاً
فستجار سياره ممتاز
لو عطيتن حق تقسيم 12 يوم اقولك

اول ما تصل كازا بالسلامه أجلس فيها يوم ومن الغد أخرج الرباط ومنها امسك طريق طنجه (( من معجبين طنجه والشمال)) وصيفي كله شمالي…
نكمل
وجلس بطنجه 3 أيام روح فيها اليوم الأول خليه لطنجه وتمشا فيها وريح شوي…
اليوم الثاني غار هرقل والمناطق القريبه منه واصيله
واليوم الثالث أطلع تطوان وتمشى فيها وخرج على كستياغو وحدود سبتة وارجع على الطريق الجبلي وراح تمر القصر الصغير ثم ترجع لطنجه(( طبعاً أخرج وتمشي للمناطق اللي قلت لك ولكن السكن ثابت في طنجه))
المهم
تريح والصبح تمسك الطريق لكازا وإذا وصلت بالسلامه أمسك طريق الجديده وخذ لفه فيها ثم أمسك طريق السفي وبطريقك الوليديه تغد فيها واللي منك ثم توكل على الله لأاسفي وروح مطعم الصيادين وخذ لك شويهي ثم للصويرا وشقق الصويرا رخاص بـ 250 أو 300 درهم كانت غاليه الأسبوع الماضي ولكن السبت أنتهى مهرجان القناوى المهم من تنام بالصويرا وتعين من الله خير إذا قمت خذ لك لفه بالصويرا ثم أمسك الطريق لمراكش وعلطول جامع الفناء
تمش وبسط راسك ثم رح دور لك سكن وأجلس بمراكش 3 أيام وماتنسى تطلع لأاوكميدن وهي قريبه من مراكش (( منطقة جبلية روووعه كلها جليد))
ومراكش واضحه جداً وسهله واليوم الثالث أمش لأقادير وكمل الوقت المتبقى
وكذا تكون مريت بكثير من المدن الجميلة يوقت قصير…
لكن الله يعين ظهرك من التعب والسفر
وأتمنى لك وقت ممتع.