هل تم تحديث نظام الفيزا السياحية الى الفلبين ؟


(dossary) #1

سلام عليكم ورحمة الله وبركاته :

اخواني هل فعلا الي يريد اكثر من 21 يوم لابد له من اصدار فيزا سواء في السعودية عن الطريق السفارة الفلبينيه بالرياض او بالفلبين عن طريق مكاتب الهجرة فقررت الذهاب الى احد مكاتب المشهورة مثل مكتب فيفا بالخبر وشرحت له وضعي بان اريد السفر الى الفلبين سياحه مده تقريبا 29 يوم وقلت له وش المطلوب ؟! فقعد يبحث بالجهاز عنده تقريبا دقيقتين فقال انت سعودي ومسموح لك شهر واحد فقط ولابد ترجع قبله بيوم على الاقل فقلت طيب مو مكتوب 21 يوم فقالي شوف الجهاز وطالعت مكتوب مسموح شهر واحد ويقول اذا تبي تزيد اكثر من كذا راجع اقرب سفارة لك .!! بالفلبين او هنا …

فهل يوجد تحديث بزيادة ايام الفيزا السياحية بالفلبين من 21 الى شهر ؟

فارجوا منكم الافادة الله يجزاكم خير


(استشاري ترانزيت) #2

وعليكم السلام و رحمة الله و بركاته…

صحيح تم تحديث مدة الفيزا الى شهر و ما عندك اي مشكلة بالنسبة للجلوس في الفلبين حتى بعد انقضاء مدة جلستك هناك اكثر من شهر كل اللي عليك انك في حالة جدولتك للجلوس اكثر من شهر انك تروح مكتب الهجرة والسفر في الفلبين و تمدد صلاحية جلوسك و تدفع مبلغ مالي مقابل جلوسك اكثر من شهر اللي هو قيمة الفيزا و المبلغ مو كبير ناسي بالضبط كم…

حدث معي هالموضوع قبل التحديث للمدة الجديدة و جلست 45 يوم تقريبا و لا رحت لمكتب الهجرة و السفر كل اللي سويته اني رحت قبل اقلاع رحلتي بـ 3 ساعات تقريبا للمطار و خلصت اجراءت دفع المخالفة للجلوس لاكثر من المدة المسموحة بدون فيزا و اذكر المبلغ ما كان كثير دفعت و انا في المطار في مكتب الهجرة و السفر و عطوني ورقة و رحت للبوردنج و كملت اجراءتي… من الافضل انك تروح لمكتب الهجرة و السفر في داخل البد و تدفع قيمة الفيزا لتلافي اي تاخير و تعطيل لك في المطار