استفسار بخصوص السفر بالسيارة من الكويت للسعودية للعمرة ومع العائلة؟


(dhai) #1

السلام عليكم ورحمة الله وبركاته،
أرجو النصيحة والفائدة منكم انشاء لله ، نويت العمرة وانشالله يشاركني السفر زوجتي وأطفالي الصغار والوالدة انشاءلله.
الفكرة اني بطلع من الكويت بالسيارة ومحتاج نصيحتكم ، النية قضاء يومين بمكة المكرمة وبعدين يوم بالمدينة المنورة والرجوع للكويت.
لما أوصل الميقات أكيد يكون الواحد تعبان من الطريق ولازم يرتاح قبل لا ينوي العمرة بالميقات ويكمل الطريق للحرم، هل في أماكن أقدر أرتاح فيها عند الميقات أو شلون أتصرف ؟
لما أكمل بالسيارة ما نصيحتكم بالنسبة لموقف السيارة وايش أفضل حل ؟
بالنسبة للفندق ايش نصيحتكم خصوصا معاي أطفال والوالدة وشلون الحركة والتنقل بين الفندق والحرم؟
اقدر استأجر كرسي متحرك للوالدة والأطفال ووين أم هل من الأفضل آخذ الكرسي المتحرك وعربانة الأطفال من عندي ؟
كيف العمل بالنسبة لزيارة المسجد النبوي الشريف والاقامة والحركة بالمدينة المنورة ؟

أرجو أن تفيدوني بخبرتكم ونصائحكم وجازاكم الله كل خير


(mos) #2

تقبل منك اخي
اولا المدة قصيرة على السفر الطويل
افضل انك تبدأ من المدينة وترتاح فيها بعدها تحرم من ابيار علي الى مكة
السكن في المدينة عند الحرم من الجهة الشمالية و تروح و ترجع الحرم مشي
اما في مكة فنادق البرج افضل لكم

وانا ذهبت لمكة المكرمة بسيارتي المسافة بعيدة ممكن 1450 كلم , افضل طريق بالنسبة لي (الكويت حفر الباطن المجمعة الدوادمي ظلم الحوية السيل مكة المكرمة) يوجد ايضا عن طريق الرياض ولكنه ابعد قليلا بس واسع , انصحك المبيت بمنتصف المسافة (الدوادمي) بها فنادق وشقق مفروشة ممتازة , ميقات السيل به غرف للراحة وتستطيع ايجارها بالساعات , اما بالنسبة للفنادق بمكة الكثير منهم عندهم توصيل مجاني من/الى الحرم وان لم تجد هذه الميزة فالتكاسي متوفرة والسعر معقول , الكرسي المتحرك متوفر بالحرم

اما عربة الاطفال ممنوع دخول العربايه الخاصه فيهم المدينة اهم شئ فيها الصلاة في الحرم والصلاة بقباء هاي اهم شي وخذ العيال على الراشد مول يلعبو وزيد عدد الايام اذا تقدر علشان تنبسطو اكثر