كيف انسق رحله لمده يوم واحد الى الفيوم بتكلفه 100 جنيه للفرد الواحد ؟

ممكن رحلة للفيوم تكلف الفرد الواحد 100 جنيه بس هذا يتوقف على سعر الأوتوبيس اللي هتأجره لليوم . وياريت لو تقدر تتحصل على دعم من رجل أعمال أو تاجر كبير يوفر لكم الأوتوبيس والسواق على حسابه أو بمبلغ يتقيد في بند الدعاية ويتشال من الضرائب

البرنامج المقترح
الذهاب الى محمية وادي الحيتان … ثم محمية وشلالات وادي الريان الشهيرة والمنطقة الأثرية … بحيرة قارون …بعد كده

تروحوا قرية ارابيان نايتس السياحية وهي على طريق مصر الفيوم الصحراوي
وهناك تقدروا تعملوا داي يوز . طبعاً لازم تتصل بهم وتتفق معاهم على السعر قبل ما تحدد سعر الرحلة . في العادة سعر الفرد 60 جنيه تذكره دخول شامله وجبه لكن أكيد السعر هيختلف لما تكون مجموعة . هناك فيه وسائل ترفيه عديدة للكبار والصغار مثل ركوب خيل . او إستخدام حمامات السباحة أو البيتش باجي او السفاري فى الصحراء
طبعا اللي عايز تكون على نفقته الخاصة خارج حساب الرحلة .

اسعار الخيل

ساعه خيل صحراء = 75 ج نصف ساعه = 40 ج
ساعه خيل داخل التراك = 60 ج نصف ساعه = 35 ج ربع ساعه = 20 ج
بالنسبه لخيل السيسى للاطفال بنفس اسعار الخيل داخل التراك

اسعار الجمال

ساعه صحراء = 75 ج نصف ساعه = 40 ج
لفه الجمل داخل التراك 10 ج للفرد

اسعار البيتش باجى

ساعه فردى = 120 ج نصف ساعه = 60 ج ربع ساعه = 30 ج
ساعه زوجى = 200 ج نصف ساعه =100 ربع ساعه = 50 ج

تذكره حمام السباحه 20 ج للفرد طوال اليوم (دي لو شاطر ممكن تتفق معاهم تكون مشمولة في سعر تذكرة الدخول )
ممكن كمان تطلب تخفيضات على النشاطات المذكورة وأنا متأكدة انهم هيوافقوا خاصة لو رحتم يوم ثاني غير الجمعة

بخصوص مدة المواصلات المسافة مش كبيرة يمكن تاخذ من ساعتين لثلاث ساعات أقصى تقدير حسب موقع مدينة الإنطلاق وزحمة الطريق

للحجز والاستعلام يرجى الاتصال على 01003952222 / 01003956666 / 01001691874 / 01001691837 / 01001691865 / 01001691840 / 01099989119

ودي صفحتهم على الفايس ممكن تتواصل معاهم
https://www.facebook.com/arabian.nig...ry.club.resort

السلام عليكم انا طالب في الجامعه و مطلوب مني انظم رحلة للكليه و عاوزينها للفيوم
فتنصحوني يكون ايه البرنامج بحيث تكلفة الفرد متزدش عن 90 او 100 بالكتير قوي و يستمتعوا جدا باليوم ؟
مع العلم ان المسافه بين محافظتي و الفيوم 225 كيلو