هل يجوز السفر للسعودية بسيارة مستأجرة من البحرين؟


(dossary) #1

عطيكم العافية يا إخوان
سؤال إذا ممكن أحد يفيدني :
انا أكثر سفراتي للبحرين بالسيارة وهالمرة ودي بالطائرة للبحرين والسؤال هل توجد مكاتب لتأجير السيارات بالبحرين تسمح لي بالسفر بها للخارج (يعني للسعودية -الخبر )
انا سبق إني أجرت سيارات لكن بس داخل البحرين وودي اسال إذا يصير أسافر فيها للسعودية (ومستعد لكل الضمانات لو كان الأمر يسمح) ياريت لو أحد عندة الإجابة ويكون متأكد منها يفيديني
ولو يعرف أحد المكاتب اللي تسمح بالسفر يعطيني التلفون خلال هاليومين (لأني لو وودت السفر فراح يكون هالويك إند) بإنتظار الرد وشكرا


(استشاري ترانزيت) #2

السلام عليكم…
اتوقع في مكاتب لاني اذكر خالي مره جانا من البحرين بسياره اجار.

الافضل انك تتاكد من شركات التاجير الكبيره. مثل هرتز و بدجت
و عندك في مطار البحرين مكتب شركة الفخامه. هذي تستاجر سياره بسواق الى السعوديه والعكس من السعوديه… و اتوقع عندهم سيارات فيها

عندك شركة التاجير هانكو اللي في شارع المعارض

المتطلبات هي :

1- بطاقة أتمان ويحجزون تقريبا للتامين 100 دينار

2- بطاقة الأحوال المدنيه / بطاقه الشخصيه

3- رخصة القياده

4- جواز السفر

5-تامين نقدي بقيمة 16 دينار

المسافه المحتسبه لك هي 150 كيلو متر وبعد هذه المسافه تحتسب اجره اضافيه وهي 40 فلس للكيلو

الواحد ولديهم اسياره المتواجده هي فورد 2006