افيدوني بجدول الى قطر ارجوكم اول زيارة الي؟


(abdulhai) #1

مرحبا اخواني

انا بعد العيد ان شاء الله رايح لقطر وهاي اول زيارة الي ارجو انكم تفيدوني بجدول مفصل للزيارة وعدد الايام 5

وشكرا


(استشاري ترانزيت) #2

هذا جدول مقترح الى قطر لمدة خمس ايام

ـ من 10 الصبح الى 2 الضهر سيتي سنتر : هو عباره عن اضخم مول في قطر فيه كل شي سينما العاب تقدرون تتغدون اهناك وتتسوقون وتمشي اليهال شوي بس لاتلعبونهم لانه عقب باخليكم تطلعون تروحون المدينة الترفيهيه ومن الساعه 3الى 4 روح ارتاح في الشقه ومن 4ونص الى 8 روحو مدينة صيف الدوحه وايد حلوه هي عباره عن قاعه مغلغه كبيره جدا فيها اسواق ومطاعم والعاب للكبار والصغار وفيها مهرجانات وعقب ماترجعون منها روحو ارتاحو لانه اكيد تعبانين عقب اللعب وتسوق وفليل روحو اي مطعم يعجبكم
ــــــــــــــــــــــــــ
اذا اليوم الثاني
1 - من 10 الى 3 سيتي سنتر
من 3 الى 4 ونص راحه
2 - من 5 الى 8 او 8 ونص مدينة صيف قطر او صيف الدوحه
وفليل الكورنيش شربوه كرك وعقب الكرك روحو المطعم
ـــــــــــــــــــــــــــــــ
اليوم الثالث : من 10 الصبح الى 3 روح مجمع الاند مارك تمشو شوي ولعب عيالك وفيه سينما ادخلو بس الينما مالت الاند تعتبر من اصغر سينمات في قطر
من 3 ونص الى 4 ارتاحو في الشقه
ومن الساعه 4 ونص الى الى 8 روحو سوق واقف وايد حلو هو عباره عن سوق شعبي لاكنه مطور وفيه مطاعم فخمه وقواش وايد حلو حق التمشي واهناك اذا رحتو في حمار الله يعزكم ركبو اليهال فيه راح يستانسون
واتعرف عقب الـ 8 شتسوي
ـــــــــــــــــــــــــــــــ
رابع يوم :
هل يوم راح اخليه خصيصا لك ومع الشباب الي وياك لانه راح اخليكم تروحون مدينة مائيه حلوه مع الصور الي شفته راح يفتتحونها اول يوم عيد الفطر هي عباره عن مدينة مائيه ضخمه يعني من من 3 الى ماله نهايه لين ماتشبعون روحو المدينة المائيه وقبلها من 10 الصبح لين 12 روح السيتي سنتر تريق اهناك ورتاح شوي عقب خذ اقراضك وروح المدينة المائيه
ــــــــــــــــــــــــــــــــ
اليوم الخامس كيفكم شوفو الي يعجبكم
الين راح اقولك الاماكن الي انا ذكرتها فوق
+++ المولات ++ راح ارتبلك من اضخم الى اصغر
1 - سيتي سنتر : 14 سينما + مدينة العاب عاديه + بولينج
2 - فيلاجيو مول : 14 سينما + مدينة العاب وايد حلوه وكبيره + تزلج على الثلج
3 - لاندماك : 4 سينما + مدينة العاب للاطفال
3 - حياة بلازا : مدينة العب حلوه بس عيب المجمع مافيه سينما
4- ذا مول : 3 سينما + مدينة العاب صغيره للاطفال
5 - رويال بلازا : 5 سينما + مدينة العاب جدا صغيره
ــــــــــــــــــــــــــــ
اماكن مفتوحه
1 - جزيرة الؤلؤه
2 - سوق واقف
3 - اكوا بارك قطر
4 - الكورنيش
ــــــــــــــــــــــــــــــ
المتاحف :
1 - متحف الفن الاسلامي
ـــــــــــــــــــــــــــ
السكن الشقق الفندقيه راح ارشحلكم افضل واطول واجدد شقق سكنيه في قطر وهي كيمنسكي وهاي اسمهم Hotel Kempinski Residences & Suites اذا كنت تبي تحجز على النت اما اذا تبي تروح اهناك وتحجز فـ اذا رحت قطر روح منطقة الابراج وراح تلاقي برج طوييل لونه اصفر ليتات صفر راح تلقاه
ـــــــــــــــــ
الشقق الفندقيه
1 - Hotel Kempinski Residences & Suites
2 - رتاج الريان
3 - سمر ست