ماهي الاماكن القريبة من الدوحة والتي تستحق الزيارة ؟

السلام عليكم ورحمة الله
يا جماعة انا باذن الله ماشي للدوحة الثلاثاء القادم وباجلس 3 ايام بالضبط

اولا وش افضل خط اسلكه من الرياض لاني ماشي بالسيارة ان شاء الله

ثانيا هل فيه اماكن تستاهل الزيارة حول الدوحة بس ماتكون بعيدة ويا ريت ترتبولي الاماكن من حيث الاقرب ؟

ثالثا انا ما اعرف شي مشهور هناك الا سوق واقف … عطوني اماكن ما تتفوت في الدوحة

رابعا ابي مقاهي

خامسا انا سمعت ان الدخول لقطر ممكن ببطاقة الهوية الوطنية السعودية (بطاقة الاحوال) هل الكلام صحيح؟ يعني ما ودي اخلي جوازي واتوهق هناك … هل احد منكم قد دخل قطر ببطاقة الهوية؟

تكفون يا جماعة ابي فزعتكم

شكرا سلفا

من ناحية الدخول بالهوية الوطنية فهو ممكن وليس هناك اي مانع اطلاقا
وأما المقاهي فسوق واقف يعج بالمقاهي اختر منها ما تشاء
اما اماكن قريبة من الدوحة فعندك مدينة الخور 50 كم تقريبا صغيرة ومرتبة والجلسة على البحر حلوة وبسيطة وهادئة

افضل الاماكن (( الي هي السبيشيل ))
1 - فيلاجيو مول ( طبعا مايتفوت فيه مدينة العاب للكبار وجدا ضخمه وفيه 14 سينما وفيه سينما ثري دي )
2 - سوق واقف ( من غير ما اوصفه الكل يعرفه )
3 - جزيرة الؤلؤه ( من اضخم المشاريع العالميه وهو عباره عن ممشى مارينا ومقاهي ومطاعم ومجمع وابراج مدينة جديده )
4 - الكورنيش ( هذا فليل تروحنه اذا خلصتوا كل مشاوريكم تشربون كرك وتتمشون وتتاملون في الناطحات السحاب )
ـــــــــــــــــ
المولات في قطر كثيره وراح احطلكم من اكبر الى اصغر
1 - سيتي سنتر
2 - فيلاجيو مول
3 - لاندمارك
4 - حياة بلازا
5 - رويال بلازا
6 - المول
الخ …
طبعا لهم فيهم سينما ماعدا حياة بلازا مافيه سينما وافضل السينمات في سيتي سنتر وفيلاجيو مول
ــــــــــــــــــــــ
اماكن مفتوحه تستحق الزياره
1 - سوق واقف
2 - جزيرة الؤلؤه
3 - الكورنيش
4 - اكوابارك قطر
5 - اسباير زون
ـــــــــــــــ
الحين راح ارتبلك الاماكن الي جمب بعض عشان اختصر لك الوقت
1 - فيلاجيو مول 2 - حياة بلازا مول 3 - اسباير زون ( بالظبط جمب بعض كلهم )4 - اكوابارك قطر ( شوي بعيده عنهم )
2 - سيتي سنتر + جزيرة الؤلؤه ( جمب بعض مسافة السياره 5 دقائق فقط )
3 - سوق واقف + الكورنيش