هل تنصحونى بزياره جنوب افريقيا فى نوفمبر ام اؤجل الى وقت اخر ؟

شرايكم افكر اسافر في بداية نوفمبر الى جنوب افريقيا
كيف هي من ناحية مايلي :
1- الجو
2- الاسعار
3- الفعاليات
واجواء البلد عموما هل هي ممتعه ومنعشه وفيها برودة لو شوي وامطار
لانه يهمني بالدرجة الأولى الطبيعة ( الخضرة ) والأمطار ولطافة الجو ( مايكون فيه حرارة )
لانها بتكون اول تجربة لي ولعائلتي الى جنوب افريقيا
هل تعتقدون انها في شهر جولاي واغسطس افضل من نوفمبر ؟؟؟
هل تقترحون تأجيل الرحلة لوقت أفضل

البلد حلوة بأي وقت بس في اوقات احلى من الثانية
وبرائي الشخصي …الافضل بالترتيب شهر نوفمبر ثم اغسطس واخر شي جولاي
واذا تبغى شمس دافيه وهوا بارد وطبيعه حلوة واسعار معقوله روح بسبتمبر…اما اذا ماعندك الا هالاشهر الثلاث تسافر فيهم فبرائي تسافر بنوفمبر لانه شهر فعاليات الاسعار ترتفع لكن الفعاليات كثيره واحلى والجو يكون صيف وصيفهم فيه شمس وفيه هوا باارد والمطر قليل …درجة الحرارة بالصيف 24 تقريبا
وماانصحك تسافر في جولاي واغسطس لانه شتااا ومطر
انا شخصيا مارحت لها بالشتا بس الي اعرفه انه في ايام تكون مشمسة لكن فعاليات الصيف والسواح تكون قليله بهالشهرين…وفي ايام راح تضطر تلغي جدول يومك بسبب الجو سواء مطر او رياح
وعلى فكرة بهالشهرين تكون صيانة الــ Table Mountain
وفي اماكن زي ملاهي Ratanga Junction ماتفتح بالشتا
وعن تكلفه السفر ماعرف صراحة
انشالله غيري يجاوبك
بس انا ماعتبر جنوب افريقيا غاليه…اسعارها معقوله وقريبه من اسعارنا

1 Like