أين توجد محلات بيع الدراعات الكويتيه بالكويت ؟


(رائد العمري) #1

ما هي افضل الاسواق " مانبي مولات تسدنا مولات دبي" نبي اسواق شعبية بس لو الدراعات بالمولات ياريت تذكرون باي مول وشو افضل محل ؟
افضل المطاعم ؟
شو الافضل الاعتماد ع التاكسي او نستأجر سيارة ؟؟


(Bader) #2

هلا والله اللي بتنور ديرتنا
السكن وين ماتبين بيكون قريب لان الكويت صغيرة
والافضل منطقة السالمية للسكن
الدراعات يا حلوووة بالبلوكات بالديرة تلاقين جاهز عند الخياطين
وتلاقين تفصال بس يطول التفصال الا اذا قلتي لهم انا بسافر يمكن يخلصونها لج
البلوكات بالديرة
عندج بالفروانيه مجمع العربيد فيه بعد محلات الدراعات اي دراعة تبينها من المعروض يفصلون لج
بس مثل ما قلت لج الحين الطلب على الدراعات علشان رمضان فبيطول التفصال
في معارض لدراعات ولرمضان والحين في معرض بارض المعارض وغيره مادري في والا لأ
بس معارض الحريم وايد غاليه بس تحصلين شي حلوو
المهم السيارة لو تأجرون سيارة افضل لكم عن التكاسي لان يبيلج كل شوي تروحين مكان
والتاكسي يكلف


(Hussein ) #4

السلام عليكم ورحمة الله وبركاته يسعد مساك أخي العزيز

هل تقدر تفيدني وين اقدر أحصل على دراعات بسعر ممتاز ودزينات جديدة تناسب السوق عندي نية أجي الأسبوع القادم الكويت وانزل في السالمية

حسين الراشدي من سلطنة عمان مسقط


(الربيعي) #3

ومعارض ومحلات الدراعات
عندج البلوكات وفيها محلات تبيع جاهز مثل التراث الهندي خام وجاهز و مثله ميسون
وفوق خياطين ممكن يبيعون لج جاهز والعربيد

والمعارض انتم ان شاءالله متى لأنه في الافنيوز معرض للمواهب الشبابية يبيعون فيه تصاميم دراعات
في قاعة البرستيج الافنيوز بس حسافه خلص في يخلص واحد يفتح الثاني
وحتى في مول 360 فيه و الفنادق مثل هيلتون وميسوني فيه معارض
ان شاءالله لي رجعه للإفادة ان شفت

وصح في مجمع اسمه الاوقاف في الديرة كله محلات دراعات مثل اليشمك موجود فيه
دام يومين لكم تخلونه مع البلوكات والمباركية ان رغبتم بالمباركيه

وسياره افضل من التاكسي