دوره في سيئول لمده شهر هل احتاج فيزا وايش المتطلبات عشان استخرجها؟

السلام عليكم ورحمه الله وبركاته

انا عندي دوره في سيئول لمده شهر هل احتاج فيزا وايش المتطلبات عشان استخرجاها؟
كيف نظره الشعب الكوري للعبايه والحجاب هل رح اتعرض لمضايقات لو لبستها؟
بالنسبه للجوال اش الحلول المتوفره عشان اقدر اكلم اهلي في الرياض بدون مشاكل؟
ان شاء الله رح تكون سفرتي في شهر ماي كيف اجواء سيئول في هذا الوقت ؟

وشكرا مقدما

أولا: الله يسهل أمورك في سفرك ان شاء الله.

بخصوص الفيزا هناك طريقتين اما تروحي مباشره وهناك من المطار يعطوك فيزا سياحية لمدة ثلاث أشهر
أو مخاطبة الشركة او المكان اللي راح تتدربي فيه وتطلبي منهم يرسلون لك فيزا يعطوك الرفرنس نمبر وتاخذيها من السفارة الكورية بالرياض وانا اشوف هذا الحل الافضل اذا كانت مدة الاقامة أكثر من ثلاث أشهر

فيما يخص الحجاب والعباية فالشعب الكوري من أكثر الشعوب المسالمة في العالم واكثرهم احتراما للاخرين وراح تشوفي هالشي لانه من اكثر الاشياء اللي عجبني في كوريا اثناء اقامتي هناك.
قد يكون هناك القليل من المضايقات اذا كان خروجك متأخر في الليل وفي اماكن مشبوهة لكن عموما الشعب محترم جدا وما يضايق احد ابدا.

أما بالنسبة للشريحة كان مطلوب مننا استخراج بطاقة اقامه يسموها إليان كارد لاستخراج الشريحة والاشتراك في خدمات الانترنت …الخ

هناك مكتب ارشاد سياحي في محطة المترو في ايتاوان فيه الكثير من المعلومات ويساعدونك اذا احتجتي اي شي. كذلك منطقة ايتاوان فيها مطاعم عربية وبقالات حلال

الاجواء في مايو اعتقد راح تكون ممتازه لانه في نهاية موسم الشتاء وماتوقع راح يكون فيه ثلج لانها غالبا الجو والثلوج من شهر ديسمبر الى مارس
وهنا توقعات الطقس توضح ان الجو ممتاز ويعتبر صيفي بالنسبة لكوريا

نصيحة لك
فيه شارع مشهور عندهم اسمه ايتوان فيه مطاعم عربية وأسواق يكثر فيه العرب
نصيحتي روحي له في النهار فقط ومن تغرب الشمس اخرجي منه
ولاتلقي بالا للعرب اللي يطلبون المساعدة ( الشحاذة ) أو يعرضون عليك المساعدة والترجمة يعني لاتعطينهم ( وجه )
هذا الشارع والحي ايتوان جميل نهارا فقط

وضعي في اعتبارك بأن اغلبهم لايتحدثون الا نقليزية وخاصة اصحاب التكاسي ذات الألوان البيضاء والبرتقالية