ساعدوني في افضل اماكن السكن في لندن ويكون امن


(الوليد) #1

السلام عليكم
بصراحه انا طمعانه في مساعدتكم ونصحكم لي انا طالعه لندن بعد اسبوع وهذه اول طلعه لي للندن واول طلعه اكون فيها لحالي من غير اهلي بحكم اني طالعه لمؤتمر بلندن ومعي اخوي الصغير فقط…
بليييز ابغى افادتكم جميعا من اول مااصل للمطار ايش اسوي وكيف الوضع هناك وايش افضل منطقه اسكن فييها تكون امنه ومريحه وقريبه من اهم المراكز… ولو تعرفون سواق ثقه وهييك اشياء…
حاولت افهم موضوع الاندرقراوند والباصات من المواضيع السابقه بصراحه مافهمت …
ولكم جزييييل الشكر


(استشاري ترانزيت) #2

اهلا

أنا شخصيا أفضل السكن في شارع العرب أجور رود ماتحسين انج بدوله أوروبيه كلهم عرب حولكم

وفيه كمان

الفندق عندكم ثيستل ماربل ارش وفندق ماربل ارش وكمبر لند ومونت كالم هذي الاربع فنادق ثنينه فايف ستار وثنينه فور ستار وكلها في مكان واحد وموقعها ممتاز …
في قلب لندن واسم المنطقه مارلبيون في ماربل ارش وفي العموم لندن مدينه فيها امان وخاصه زون1-2 هذه الامن فيه 100% وكل ماتطلعين من زون 3-4 يقل الامن مثل في اي دوله بالعالم .
نرجع على المطار …
اول ماتوصلين المطار هيثرو بيكون شخص في استقبالكم من شركة مني كاب حاط لوحه باسمكم وبياخذكم الى الفندق بسعر 30 باوند وهذه افضل سعر اما الباقي اسعارهم مبالغ فيها بواجد وخاصه تكاسي …
شركة رقمهم عندي(مادري هالمسموح اضع رقم هنا) فقط كل المطلوب تتصلون عليهم قبل الاقلاع بيوم …ويخذون المعلومات عن رحلاتكم والوصول …ألخ

بخصوص سواقين وغيره في لندن انا ضد هالفكره نهاياً يعني استاجر سياره وسايق يسوق فيني اشوفها مالها اي داعي وتكلفه وخاصه ان سكنكم بيكون كل شي حولكم وحرام هالتكلفه …

والاندر جراوند والباصات امرها سهل …فقط يبيلكم الممارسه يوم واحد