استفسار عن مطاعم سمك شعبية في مملكة البحرين ؟


(بوفاطمة) #1

حاب استفسر عن المطاعم لي فيها سمك الصافي
وخصوصا وجبة الغداء وسمك الصافي مشهور في مملكة البحرين

وياريت لي يكون مطعم شعبي معروف

فياريت اي حد من اخوانا عنده فكره يساعدنا فيها
وشاكر جهود اي حد منكم يساعدنا


ابرز اماكن التسوق والمطاعم بالبحرين ؟
(استشاري ترانزيت) #2

مطعم الصيادين في المحرق بالقرب من خفر السواحل وفرضة المحرق.
في مطعم يسوي السمك و الرز بس اللأسف اعتقد اعتقد مو متأكده ان مافيه مكان للقعده او للأكل فيه يعني تاخذه سفري اتوقع لأن احنه ناخذه دوم تيك اواي واسمه خور فشت في منطقة الحالة في المحرق وهو متخصص في السمك المقلي والمشوي والرز الشيلاني والمحمر

واذا تبي تكشخ عندك الفش ماركت في منتجع البندر. وفي مطعم في عراد بالقرب من جامع الجمعية الاسلامية اسمه البادكير بعد متخصص في الاكلات الشعبية واتوقع عنده سمك بس ماجربته بصراحه .بس شكل المطعم حلو كل شس فيه مال أول .


(mos) #3

قهوة بابا طاهر في احد دواعيس سوق المنامة اظن يم كنتاكي في الداعوس على اليمين عنده كل يوم صافي وجنعد وشيلاني شي جدا شعبي يعني قهوة بالأصح بس للمتوهقين ممتاز وخصوصاً موظفين البنوك المجاوره