اريد منتجع في المالديف ذات مواصفات عالية ساعدوني


(dhai) #1

مرحبا

انا بروح للمالديف في أول نوفمبر مدة ٥ ايام وابغى منتجع يتوفر فيه هالاشياء :

١- ابغى منتجع يكون فيه فيلا بمسبح خاص ويكون فيه خصوصيه يعني ماتكون مفتوحه على الفلل الثانيه ؟

٢- سمعت ان بعض المنتجعات توفر أو تبعها جزيره صغيره فيها شاليه و البحر خاص يعني مايسكنها غير النزيل نفسه ؟

٣- ابغى اسكن في منتجعين بس في نفس المنطقه او قريبين لبعض واحد يكون فخم وفيه خدمات حلوه و مايتعدى ٣٠٠٠- ٤٠٠٠ ريال باليوم
و منتجع ثاني ارخص يكون بحدود ١٥٠٠ الى ٢٠٠٠ ؟

٤ - افضل ووتر فيلا ؟


(استشاري ترانزيت) #2

اهلا وسهلا اخوي الله يسعدك وتتوفق بسفرتك بأذن المولى
بالنسبه للمالديف ومن خلال طلبك والخصوصيه
ينبغي عليك اختيار الجزيره الصح علما بان المالديف مجموعة جزر
والجزيره المناسبه هي
جزيـرة كـوكـو بالـم بـودو هيثـي Co Co Palm Boudo Hithi
ومنتجعها اللي مسمى بنفس اسمها هي كلها منتجع اصلا
حط تواريخك وشوف الاسعار اللي تناسبك بس نصيحه اذا تبغى الاول المنتجع قمة في الخيال ماكأنه ع الارض

هالجزيرة إلى الشمال من جزيرة مطار مالي الدولي … تبعد قرابة الـ 30 كيلو داخل البحر … يوجد خيارين للوصول للجزيرة … خط مباشر بواسطة السبيد بوت … أو خط غير مباشر بالسي بلين.
و أنتو أختاروا اللي يعجبكم و يناسبكم…

خيارات السكن
النوع الأول فلل شاطئية : و هي مقامة على اليابسة محاطة بـ الأشجار ( ك نوع من الخصوصية ) و مواجهة لشاطئ البحر بكرسي بحر طولي ( سن لاونجر ) … و كل فيلا تحتوي على بركة سباحة خاصة داخلية …

النوع الثاني وهو الأمتع فلل بنقلوز : و هي عائمة على سطح مياه البحر … فيه منها ثلاث فئات بناءاً على المساحة الإستيعابية بالإضافة لنوع إطلالتها … و جميع البنقلوز تحتوي على بركة سباحة خاصة …

يعني اذا ودك بالخيار الاول ماتقدر تنوع بالسكن ابدا
الا اذا بتبدل بخيارات السكن الاثنين مثلا البنقلوز او فلل شاطئيه