ماهي فنادق مسقط اللي عالبحر ؟

(dhai) #1

ياشباب يعطيكم العافية حاب استفسر عن الفنادق الي اتكون على البحر وتكون حلوة وسعرها معقول وتكون يمها مناظر حلوة وايد واسعارهم ان امكن: ويعطيكم العافية

هل تكفي سلطنة عمان 7 ايام ؟
(استشاري ترانزيت) #2

اهلا وسهلا بك مقدما فبلدك الثاني عمان بين اهلك
الفنادق كثيرة عالبحر لكن الافضل فندق قصر البستان في وسعره شوي غالي وعندك جراند حياة مسقط … واذا تبي نصيحتي عشان تستمتع اكثر روح شانغريلا بر الجصة … منتجع سياحي ولا أروع … كنت هناك انا والعيال واستمتعنا وايد … فنادق فخمة وعندهم عرض في فندق اسمه فندق الواحة الليلة ب 65 ريال شامل الافطار… الصراحة عرض مغري جدا مقارنة مع الخدمات والفخامة … البحر أمامك والجبال تحيط بك من ثلاث جهات… ياخذ 30 دقيقة من المطار ويمكن اقل

وبالنسبة للفنادق التي تعتبر فئة 5 نجوم وموقعها على البحر وتقع في مناطق جيدة جدا وبوسط العاصمة لديك جراند حياة مسقط وفندق الأنتركونتنتال وفنادق أربعة نجوم فندق رامادا وهو بجانب مجمع الشاطئ بس مش على البحر مباشرة فندق جميل وسعره معقول وفندق ليث هوارد جونسون بجانب جراند حياة .