هل تصلح ماربيا لشهر العسل؟


(dossary) #1

السلام عليكم ورحمة الله وبركاتة

أخواني أصحاب الخبره بأسبانيا … ناوي أروح أسبوعين لأسبانيا من اول فبراير والمشكلة الي صادفتني ان التوقيت شتاء والثانية ماقد سافرت لها والثالثة اللانجليزي موذاك الزود
وخاطري بماربيا…هل تصلح لاثنين عرسان وايش باقي المناطق الجيدة للمعاريس وكم المدة الجيدة للبقاء فيها وايش افضل الفنادق الجيدة وهل استطيع الحصول على سيارة أو سائق
أبغى نصائحكم جزاكم الله خير
مع الشكر الجزيل لكم


(استشاري ترانزيت) #2

طبعا مربيا حلوه بس ماانصح انك تجس فيها تطول يعني تكون ساكن بملقا وتتمشي بالمدن الي حولها اوبمربيا عادي بسيارتك طبعا انا سكنت في فندق اذكر اسمه كولار بيتش حاجه زي كذا ناسي الاسم بس لو القا اسمه انصحك فيه هادي والغرفه كبيره مع بلكونه

وبما انك اول مرة تروح ولغتك ضعيفة انصحك تزور مدينتين فقط _( السعوديه-مدريد-برشلونة-مدريد -السعودية) الاولى مدريد واحجز عادي من الخطوط السعودية ذهاب واياب وخلي التذاكر الورقية معك. هذا اول شئ
ثاني شئ احجز فندق بمدريد في منطقة سول بمجرد ماتفتح موقع البوكنج اختار اسبانيا مدريد شنترو 01- هذا رمزها راح تجيك الفنادق اختار البحث بالخريطة اعرف مكان السول تجيك بايقونة زرقاء على شكل كاميرا واختار الفنادق اللي تكون قريبة منها وبعد ما تحجز اطبع الحجز ثلاث نسخ وخليك محتفظبها ثنتين بتروح لاستخراج الفيزا ووحده تبقى معك تعطيها التاكسي من المطار الين مايوصلك له
ممكن تشيل معاك بعض المعلبات اللي تكفيك افطار لاول يومين الين ما تعرف المنطقة
بعد ما توصل الفندق بالسلامة وبعد ماتريح اسال موقف الباص السياحي ولازم ترجع لموضوع الاخوان عن الباص وتحفظه وتطبعه اذا حسيت انك بتنسى شئ
الاكل خليك بماكدونالدز وكنتتاكي وخليك دايمااما دجاج او سمك دام لغتك ضعيفة لان ما ابغاك لاسمح الله تنغش بشئ مو زين
مدريد بالباص السياحي يكفيها ثلاث او اربع ايام
بعدها خذ تاكسي على محطة القطارات اتوتشا لازم تطبع اسمها عشان تعطيه التاكسي يابو لغه ضعيفه هههههه
احجز من المحطة على برشلونه وقول للموظفة ابغى افضل سعر ارجع لقوقل يترجملك العربي لاي لغه واطبع الترجمة لاي كلمة او جملة او استفسار ولا تاخذ اول رحلة مباشرة لوصولك لانها بتفرق كتير معاك بالسعر وعشان تاخد وقتك بمعرفة البوابات ولاتنسى تحجز وقت الرجوع من برشلونة لمدريد واعرف الوقت تمام واحسبه بدقه رحلة القطار تاخذ حوالي اربع ساعات في كل اتجاه وخلي بين رحلة برشلونة لمدريد ورحلة الطيران السعودية ست ساعات
الرحلة راح تاخد معاك حوالي اربع ساعات بالكثير هي اصلا ثلاث لكن بيضيع وقت مابين طلوع ونزول وغيره
وبالنسبة لبرشلونة احجز الفنادق بنفس الطريقة وابعد عن شارع الرامبلا وارجع لموضوع ابو عزام واحفظه صم
وايضا اسال عن الباص السياحي اذا وصلت وراح يمر على جميع المناطق السياحية وانت مرتاح
برشلونة فيها تنوع مطاعم هندي وتركي وطبعا ماك وكنتاكي وبرجر كنج واحذر من التعامل مع العرب المهاجرين هناك لانهم بالبداية يضحكوا بوجهك واخرتها مشكلة كبيرة لا سمح الله ولاتنسى هذا الشئ
اكرر خلي بين وقت مغادرة الفندق ومحطة القطارات ببرشلونة علاقل ساعتين ومابين تاريخ المغادرة ببرشلونة الى وقت طيران الخطوط للسعودية ست ساعات عالاقل
اذا وصلت لمدريد مرة ثانية من برشلونة خذ تاكسي عالمطار ووري السواق التذكرة و لا يمشي لين يكون عارف مكان المطار لانه فيه مطارين ببارجاس اللي فيه الخطوط السعودية هو (t1-t2-t3)
خذ معاك جهاز ايباد او جالكسي وفعل فيه خدمة الانترنت تجوال انترنت بالجيجا وافضل موبايلي وخذ مسبق الدفع لان المفوتر راح يكلفك اضعاف قيمة الرحلة واتعلم طريقة الترجمة بجوجل واي شئ تبي اكتبه وترجمه مباشرة ووريه الشخص اللي قدامك ومنه تقدر ترجع لها المنتدى الرائع عند البحث عن اي معلومة
كلمة السر بمدريد وبرشلونة هي الباص السياحي وخلي سياحتك بالنهار