مسافر كوريا هل احتاج اني احول الفلوس الى وون كوري او اقدر استخدم الفيزا وهي تتحول ؟


(رائد العمري) #1

يا اخوان في البداية السلام عليكم ورحمة الله وبركاته

انا بعد كم شهر عندي رحلة الى كوريا الجنوبية وصراحه اول مره اطلع خارج المملكه ومحتار من ناحية الفلوس انا استخدم الفيزا ، سؤالي هل احتاج اني احول الفلوس الى وون كوري او اقدر استخدم الفيزا وهي تتحول دايركت وهل اقدر استخدم الفيزا هنآك


(استشاري ترانزيت) #2

وعليكم السلام ورحمة الله وبركاته
اتمنى لك رحلة سعيدة

من ناحية الفيزا كثير يسألون عنها وعن العملة
لا تحول ولا شيء
اي بلد تذهب له وتستخدم الفيزا يخصم بعملة هذا البلد
يعني اذا استخدمتها بكوريا راح يخصم بعملتهم وليس بالريال ويخصم من رصيدك ما يعادل هذا المبلغ بالريال

مثلا استأجرت فندق سعره 150000 ون
راح يخصم من رصيدك 504 ريال وهكذا

وبما انك اول زيارة الك رح اعطيك بعض النصائح

بالنسبه للهواتف عندهم صعبه شوي لان بطايقهم ما تركب على تلفوناتنا فالخليج … لازم تاجر تلفون من عندهم مع الرقم
التنقل في سيوول سهل جدا بوجود المترو …
التكاسي متوفره ايضا لكن المترو ارخص

منطقه ايتوان هي مطقه فيها المسجد و مطاعم الاكل الحلال مثل المطاعم الهندية والعربية والتركية والجميعات العربية …

كوريا بلد جمييل جدا وشعبها من اطييييب الشعووووب تعاملا شعب كريم وامين ومهذب فيهم من الخصال العربية تحس بقربهم اكثر من الغربيين …
شعب غيرالشعب الاسيوي عنده كرامه وعزه نفس وشعب متحضر جدا