مارأيكم في الغطاء في السفر وماهي الاشياء الاساسية التي يتم وضعها في شنطة السفر؟


(dossary) #1

السلام عليكم
حبيت اسئلكم عزيزاتي المسافرات امرين و محيريني
اولهم : اذا سافرتي مع زوجك طبعا في السعودية احنا نتغطى ولا عادي و ابي تقولون لي وش الافضل
و ثانيا:
اذا جيتي تساااافرين و ترتبين شنطة سفرك وش االاساسيات الي تحطينها في الشنطة

وشكرا


(استشاري ترانزيت) #2

هلا اختي

سوالك الاول:

غطاء الوجة سواء نقاب او برقع او لثمة او بس حجاب هذا راجع لك ولزوجك
يعني انتي تعرفين طبع زوجك يحبك تتغطين تغطي ماعندة مشكلة بالغطاء عادي لا تتغطين
وعن نفسي اشوف الناس اشكال ناس اشوفها تتحجب ولبس ساتر وناس بدون حجاب وفي عدد لا يستهان به يتغطون

سوال الثاني :

ترتيب الشنطة ابتدي بالاشياء الاساسية ملابس و جزم و ادوية واذا كان الفندق بدون فطور حطي اشياء للفطورات وبعد لاتنسين الواقي (شمس اوروبا مرة نازلة تحرق الوجة) انا احرص على الغلاية والشاي واغراض القهوة و بعد انا احط بلوفر او جاكيت خفيف و بصراحة لا ستقني ابدا عن فوطتي وشرشف لسرير (خذي شي خفيف) ممكن مسليات وفرحات (بسكويت وشوكولاتة و شوي مكسرات )والشنطة ماتخلص من الاغراض