ممكن تساعدوني في خطة شهر عسل لاسبوع في دبي؟


(Abuaziz) #1

السلام عليكم

قررت أن أقضي أسبوع في دبي شهر عسل لكن المشكلة ما قد رحت لدبي ولا أعرفها
أبغى من الإخوان مساعدتي
1/ هل استأجر سيارة خاصة أوفر لي وإلا ليموزينات هل يحتاج أن تكون السيارة بسائق أم لا؟
2/ وين تنصحوني أسكن طبعا بسعر لا يجاوز 1000ريال لليلة ؟
2/ أهم الأماكن السياحية الي يمكن أروح لها ؟


(استشاري ترانزيت) #2

مرحب بك اخوي
الحقيقه دبي من المدن الي تستاهل الزياره و احس في البدايه لازم تاخذلك تكسي يوديك و يجيبك
و بعد كذا استأجر سياره لان الشوارع مررره سهله و المعالم واضحه
اما الاماكن السياحيه فحدث ولاحرج, و احسن بعد تأخذ الباص السياحي لانه يفتح عيونك على اماكن جميله
ماكنا بنعرفها لو رحنا كذا على البركه
ولا تنسى المولات من اجدد واحد (دبي مول) الى اقدم واحد (الغرير)
فيه بعض المولات قديمه بس جددت شكلها (مثل الغرير, حمر عين, وافي, لامسي,برجمان) و باستثناء لامسي كل لي بين الاقواس مافيهم سينما
و وافي من السواق الي راقي جداا جداا و هادي جدا (يعني مو مثل الاسواق الجديده الي تلقى فيها كل شيئ وصجه ولجه)
واخيرا لازم تسكن لو ليله في اتلانتس الي في النخله تراه خيااال ويستاهل و عشان فيه اماكن فيه ما تقدر تدخلها الى اذا كنت من النزلاء

و بالتوفيق