ماهي نصائحكم في اختيار فنادق شهر العسل في جنوب افريقيا ؟


(mostashar) #1

انشالله باذن الله عرسي بعد العيد
وقررت انه يكون شهر العسل في جنوب افريقيا.
فالبدايه كنت حاب اني اروح لثلاث اماكن:

- سن ستي 3 ليالي
- كيب تاون 7 ليالي
- موريشوس 4 ليالي

بس شفت انه خط سير الرحلة راح يكون معقد خصوصا بعد ماقريت انه سن ستي الافضل انه الواحد يروح لها في الويك اند تلخبطت عندي بعض الامور. فترددت قلت يمكن لو اكتفي بس في كيب تاون وموريشوس
هذا شي ابيكم تنصحوني فيه حسب خبرتكم اخاف اروح تطلع الاماكن والنشاطات متكرره يعني ودي لو تعطوني البرنامج الكافي الوافي !!

شي ثاني ياجماعه الكل يعرف انه التذاكر صارت نار في هالوقت صح هل هالاسعار علشان احنا الحين في الهاي سيزون وبعدين راح تنزل اخاف انتظر ترتفع اكثر. (هذا سؤالي الثاني)

الامر الثالث:
بالنسبه لكيب تاون على حسب ماقريت انه افضل الاماكن الي ممكن الواحد يسكن فيها وتر فرونت او سي بوينت طيب ابي الفنادق الراقيه والحلوه والي ممكن انبسط فيها بمناسبة اني رايح شهر عسل والافضل اني اسكن في وتر فرونت ولا سي بوينت
وياليت تدلوني شلون احجز عن طريق مكتب سياحي ولا من النت؟

وبالنسبه لموريشيوس قريت مره عن الهلتون قالو حلو تدرون شنو المشكلة انه كل واحد راح فندق وكل واحد يمدح الي راحله وهالشي يجعلك في حيره ويصعب عليك الاختيار
وقريت مره عن فندق اسمه مالدافيا او اسم مقارب يقولون هو عباره عن اكواخ على البحر وفيها مسبح خاص
طيب ابي نصايحكم شتنصحوني


(استشاري ترانزيت) #2

اهلا اخوي

بالنسبة لمخطط اذا تبي نصيحتي خلك على جنوب افريقيا ارخص لك من موريشوس … موريشوس قمة في الروعة بس غالية …
لا

ارشح لك هذا البرنامج : على اساس الوصول لجوهانسبيرج والعودة من جوهانسبيرج (طبعاً لو قدرت تخلي الوصول كيب تاون والعودة جوهانسبيرج او العكس افضل بكثير )

تطلع طيران داخلي الى الكيب تاون :
6 ايام الكيب تاون
وراح تستأجر سيارة في الكيب تاون وتسلمها في مطار جورج
4 ايام في مدن القاردن روت (ولدرنس)
تطلع طيران من مطار جورج الى جوهانسبيرج وعند وصولك جوهانسبيرج تروح للصن سيتي
2 الصن ستي
2 جوهانسبرج

شي ثاني ياجماعه الكل يعرف انه التذاكر صارت نار في هالوقت صح؟ يعني انا قبل شهر جيكت على موقع القطرية كانت التذكره كويت-كيب تاون-كويت في شهر 10 تقريبا 153 دينار الحين اجيك عليها في هالوقت يطلع لي 300 وشي ، هل هالاسعار علشان احنا الحين في الهاي سيزون وبعدين راح تنزل اخاف انتظر ترتفع اكثر. (هذا سؤالي الثاني)

تحتاج متابعة شركات الطيران … ومتى ما لقيت الفرصة احجز على طول … اعتقد ان 153 دينار كان سعر رائع
وان شاء الله تنزل الاسعار عن 300 دينار …

الامر الثالث:
بالنسبه لكيب تاون على حسب ماقريت انه افضل الاماكن الي ممكن الواحد يسكن فيها وتر فرونت او سي بوينت طيب ابي الفنادق الراقيه والحلوه والي ممكن انبسط فيها بمناسبة اني رايح شهر عسل والافضل اني اسكن في وتر فرونت ولا سي بوينت
وياليت تدلوني شلون احجز عن طريق مكتب سياحي ولا من النت؟

السي بوينت منطقة مركزية جميلة ومناسبة للسكن (وجهت نظري)
الوتر فرنت قمة في الروعة والجمال …

يمكنك تقسيم المدة يومين في الوترفرنت واربع في السي بوينت

بالنسبة لطريقة الحجز غالباً النت ارخص … تحتاج تعمل مقارنة بين النت والمكتب …