أيش ارخص طيران إلى اندونيسيا وكم التكلفة ل 3 اشخاص لمدة 13 يوم ؟

اهلن اخواني

انا و٢ من اصدقائي خططنا لرحلة الا اندونيسيا وهي المره الاولى لنا
ابي رايكم بالوقت افضل وقت ووين نروح افضل شي …؟

المده راح تكون بين ال10 ايام الا 13 بدون يومين الوصول والمغادره

ووش افضل وارخص طيران …؟؟

وكم يكفي فلوس لكل شخص تقريبا

تكفون انا بحاجة لارائكم

وعليكم السلام ورحمة الله وبركاته

-انا و٢ من اصدقائي خططنا لرحلة الا اندونيسيا وهي المره الاولى لنا
ابي رايكم بالوقت افضل وقت ووين نروح افضل شي …؟
بالنسبه للوقت على حسب جوكم اذا تحبون الامطار والاجواء الغائمه بشكل دائم من شهر 11 ميلادي إلى 2
المده راح تكون بين ال10 ايام الا 13 بدون يومين الوصول والمغادره
انا الود ودي تكون المده 15 يوم لكن بما انكم محددين عزموا على 13 يوم افضل لكم
ووش افضل وارخص طيران
…؟؟
ارخص طيران على حسب الوقت الي بتروح له عندك من شهر واحد هجري إلى شهر ثلاث تلقى عروض واقوى عرض الخطوط السعوديه ممكن تلقاها بـ 1500 ريال طبعاً غير مسترده

وكم يكفي فلوس لكل شخص تقريبا
الصرف يختلف من شخص إلى اخر
لكن حط في راسك انا الاسعار مو رخيصه مره
وانا بحطيك حسبه تقريبيه السواق من 170 إلى 200 ريال في اليوم السكن اذا كان متوسط 300 ريال مزارات لكل شخص تقريبا 100 ريال ويختلف على حسب كثرت تمشياتكم ودخولكم للمزارات ويمكن اقل ويمكن اكثر الاكل والشرب يفضل تاخذون معكم عزبتكم من هنا بس حطوا لها حسبه يومياً احتياط 100 ريال