ماهي نصائحكم في السكن لشهر العسل في اندونيسيا ؟


(فاضل) #1

السلام عليكم ورحمة الله وبركاته

احبتي …باذن الله راح اتجه لاندنوسيا شهر عسل
تقريبا 13 يوم

بتكون الرحله كالاتي : الرياض جاكرتا (يومين ) لومبوك(3ايام)باندوق(3ايام) بونشاك+بوقور(3ايام) جاكرتا اخر يومين ثم باذن الله السعوديه

ابي ترشحون لي اماكن السكن (افضل شي وبسعر معقول )

وافضل اماكن السياحه …الله يرضى عليكم

والميزانيه غير التذاكر تقريبا 15 الف الى 20 الف ريال …

وكل الشكر لكم


(استشاري ترانزيت) #2

اهلين

جاكرتا (يومين ) :

فندق ميركوري انشول
وفرصه تتمشون في شاطيء انشول
تركبون التلفريك
و تروحون الملاهي
ولا تفوت سينما البعد الرابع
و تجربون مطعم بندر جاكرتا الشهير

لومبوك(3ايام):
؟؟؟
ماسبق و جربتها
ننتظر تجربتك

باندوق(3ايام):
مدينة باندونق , اسكن في استون تروبيكانا
و احسن تروح على طول على ضاحيتها لمبانق
طبيعه خلااااااابه
و منتجع ساري اتر فيه فندق و فيه فلل
وفيه المياه الحاره
وفيه بعد العاب و مطعم عربي
واذا سكنت فيه الدخول للألعاب مجاني
و سياحه ممكن تروحون لالشلالات
مزارع الاناناس و الفراوله
و البركان , وفيه شغله مهمه بالنسبه للبركان
اذا كنت انت او العروسه معاكم ربو كنسلوه احسن
عليه ريحه تجيب القرف , وجوه مثير للأزمه
كانت معانا عروسه , رغم انها ماخذه البخاخ
الا اننا اضطرينا نوديها للمستشفى تاخذ بعد فنتولين
و ضروري تجربون مطعم كامبونق دون الرااااااائع
و جلساته الممتعه

بونشاك+بوقور(3ايام):
فندق سيروني 2 او 3
لكن احرص انك ما تروح الجبل الجمعه او السبت او الاحد
عشان تتجنب الزحمه , وتلاقي سكن بسهوله
سفاري جداَ ممتعه
حديقة الزهور
مزارع و مصنع الشاي
لتل فينس
و المطاعم كثيره ,
مطعم حضرمي كاماننا
ورندو علم
و بيتزا هت و غيره

جاكرتا اخر يومين :
فندق جران ميليا , قمة الفخامه و الجمال
و سعره مو اكثر من 350
رااااااااااااااااائع
و ممكن تروحون للمولات الكبيره بهاليومين

الفنادق اللي ذكرتها , سعرها بحدود 350 باليوم + الافطار

سياره + سائق يتكلم عربي تلاقيهم بسهوله عند مطعم اميره

والميزانيه غير التذاكر تقريبا 15 الف الى 20 الف ريال …

ميزانية كثير حلوه لشخصين
يمكن تكفي حتى التسوق