كيف احجز من سيؤل لمدينة جيجو ؟

حجزت الفنادق والتذاكر من الرياض الى سيئول بس فيه نقطة توقفت عندها واحتاج مساعدتكم

ابغى طريقة كيف احجز من سيئول لمدينة جيجو عن طريق جيجو اير لاين او كوريا اير لاين وايهم افضل وكيف اراجع المطار علشان اخذ البوردنق

ووش افضل فنادق جيجو من حيث القرب من الاسواق والتمشيات وهيك والنقطة الثانية سمعت فيه بطاقة اشحنها واقدر استخدمها بس وين احصلها هالبطاقات وبكم اسعارها وشاكره لكم مساعدتكم

من ناحية تذاكر الطيران من سيول لجيجو
الارخص هي جيجو اير ادخل موقعهم
اول ما تدخل للموقع شف عندك فوق مكتوب intemational Flight اللي باللون البرتقالي بجانبها على اليمين Domestic Flight
اختر Domestic Flight
على طول تشوف مكتوب من Gimpo الى Jeju
ما عليك الا تحدد التاريخ وعدد الركاب ثم تضغط على Book NOW
بيطلع لك جدول الرحلات اختر الوقت اللي يناسبك بالذهاب والجدول الثاني الاياب وكمل الاجراءات
ومن ناحية البوردنق لما تحجز اطبع ورقة الحجز وتروح للمطار قبل اقلاع الطائرة بساعتين تقريبا وتعطيهم ورقة الحجز
نفس طريقة اخراج البوردنق من الرياض
اما من ناحية الفنادق بجيجو وايهم الاقرب للاسواق و اماكن الروحات والجيات
جيجو ليست بالكبيرة والجهة الشمالية فيها اماكن سياحية والجهة الجنوبية يوجد بها اماكن سياحية
الافضل تسكن بوسط الجزيرة وتكون قريب من المطار

من ناحية البطاقة
يوجد بسيول عند منافذ المترو تحت الارض مكائن كمكائن البيبسي تدخل مبلغ قيمة البطاقة وتطلع لك
سعر البطاقة على ما اعتقد 2000 ون اي ما يعادل 2 دولار
او تحصلها بالبقالات مثل GS25 هذة احد السوبر ماركت عندهم او Eleven-7
وتستخدم لكل شيء مطاعم او باصات او مترو او سوبر ماركت