ايهما افضل تأجير السياره من المطار ولا برا المطار في الكويت ؟


(رائد العمري) #1

السلام عليكم

مسافر للكويت

عندي كم سؤال لو تكرمتو

الأول … لو باخذ سيارة من برا المطار وش اقرب شركة تاجير من المطار ؟

الثاني … وش افضل شركة لديها سياره صغيره ( كورولا مثلا ) ورخيصه برضوا ؟

الثالث … هل فيه شركات من برا المطار توصلي السياره الى المطار بالسعر اللي ارخص من داخل المطار ؟

الرابع … لو اخذت تاكسي من المطار و رحت الى اي شركة تاجير برا المطار السعر اللي راح اعطيه لتاكسي المطار اكيد بيكون غالي بحكم انه من المطار ( اتوقع مو اقل من 10 دنانير الى السالميه مثلاً ) … لو ادفعه هالمبلغ مع سعر التأجير اليومي للسياره … آخذ سياره من المطار اوفرلي وقت … صح ولا لا


(استشاري ترانزيت) #2

هلا

حسب معلوماتي البسيطه انه التاجير من المطار اغلى من بره
لان بره يعطيك عداد محدود ، وان لاقدر الله حصل اي حادث بالسياره يدفعك قيمة كل يوم ايجار السياره وهي قاعده بالكاراج وبدون ما تستخدم السياره والتصليح يكون على التامين الشامل اما المطار فمميزاته تختلف عنهم ،
نصيحه قبل لا تاجر السياره من اي مكان اعرف كامل شروطهم وشوف اللي يريحك وتوكل على الله

ويمكنك استئجار سيارة من شركة بدجت … بتسع دنانير ونصف …

كورلا 2007 قير تماتيك وقزاز تماتيك …

صحيح برا أرخص بس يعني اذا مضطر وبدك الراحة الافضل داخل المطار

فلذلك عزيزي … أعمل حسابك بالنسبة للمطار … لن يتم تأجيرك إلا ببطاقة إتمان

وشركة بدجت الشركه هذي موجوده في البدروم بعد ما تعدي كشكات تأجير السيارات كلها في طريقك للخروج من المطار بتلاقي سلم متحرك ينزلك على تحت وبجانب هالسلم الكهربائي صراف عمله

المهم … تنزل من هالسلم الكهربائي لتحت وتلاقي كشكين … واحد لشركه شحن والثاني هالشركه اللي انا استأجرت منها

واخذ مني المبلغ كامل مقدم … وحجز مبلغ من الفيزا للضمان ورجعه لي عند مغادرتي