ما هي اضمن طريقة للحجز على النت الى جزر المالديف والاجواء ساعدوني؟


(mesfer) #1

لو سمحتم ساعدوني حاب اروح شهر العسل الى المالديف
بس عندي بعض الاستفسارات:
1- قررت السفر بعد العيد لمدة سبعة ليالي في Hilton Maldives Irufushi Resort & Spa فكيف ح تكون الاجواء هناك وهل المدة كافية؟وكيف المنتجع 5 نجوم ؟
2- ايش افضل واضمن طريقة للحجز عن طريق النت او المكاتب
لقيت عن طريق Agoda بـ 27000 تقريبا
و عن طريق مكتب بـ31000 تقريبا
شامل الافطار و التنقلات من والي الجزيرة و الطيران على الاماراتية
وهل موقع Agoda مضمون 100% و اذا حجزت عن طريقة اقدر اسوي ترتيبات لشهر العسل؟واذا حجزت من بدري يفرق في السعر؟
3- بالنسبة للطيران ايش افضل الامارات او القطرية او السيرلانكية؟
4- وكم المصروف تقريبا ح يكون للنشاطات و العشاء ؟
واسف على الاطالة
وشكرا


(استشاري ترانزيت) #2

الجو راح يكون جميل أن شاء الله ومثل ماهو معروف جو المالديف واحد ولكن يختلف في سقوط الامطار في الاوقات هذي وان الموسم عندهم والذي يرتفع الاسعار فيها من ديسمبر الى ابريل

المدة كافيه طبعا ولكن لو كانت مقسمه على منتجعيين تكون افضل بكثير لانك راح تمل من من منتجع واحد او تاخذها كامل بمنتجع مثل كونراد لانه كبير وتتعدد النشاطات فيه ممكن انك تاخذ 7 ليال فيه او تفسمها على منتجعين بواقع 4 ليال والثاني 3 ليال او كل منتجع 4 ليال وباقي المدة تمر دبي او قطر تقضيها فيها على حسب الخطوط اللي راح تسافر معها

وطبعا القطريه والاماراتية افضل من السيرلانكيه

وبالنسبة للميزانية على حسب صرفك هالامر يتوقف على كل شخص وصرفه بعطيك كمثال لما طلعت المالديف كان معنا 5000 دولار لمدة 8 ليال ولكن كنا نصرف براحتنا على الاخر غطتنا اذكر كونراد كان المبلغ المصروف 2700 و w كان 2300 ولكن اذا صرفك متوسط راح يكفيك حدود 3000 دولار وتقدر تاخذ معك من 500 الى 1000 دولار احتياط لحدوث اي طار معكم

و بخصوص الليالي المالديف كا أقصى حد 10 ليال وادني حد أربع ليال المتوسط من 7 الى 8 ليال المدة الكافية

وبلنسبة للنشاطات فية اشياء كثيرة والاهم النادي الصحي لعمل التجميل والاسترخاء كله نساء

وفية ركوب الزوارق وجولة بالقارب اذا رحت بتلاقي اللى يناسبكم

وموقع اجودا مضمون مثله مثل بوكينغ ولكل موقع خصائصه