ما هى افضل شقق مفروشه نظيفه وانترنت سريع في الكويت ؟

انا جايه الكويت بإذن الله نهاية الاسبوع
واتمنى تدلوني على فندق او شقق مفروشه تكون نظييفه وفيها نت وسعرها معقووول
وسؤال مهم لوتكرمتو احنا 6 اشخاص
نظام الفنادق في الكويت يسمح ناخذ غرفه وحده بهالعدد؟؟
لأن في السعوديه اكثر من مره نحجز في فنادق غرفه وحده ويكون مكتوب في البوكينق انها لشخصين فقط لكن اذا رحنا الفندق عادي يدخلونا الغرفه اللي حجزناها بنفس السعر المهم مانطلب اضافة اسره
فحبيت اتأكد عن الكويت عشان مانتوهق بعد مانحجز

الافضل تاخذون شقة
فيه مثلا شقق بودل السالمية حلوه و مكانها حلو
اهم شي احجزوا قبل ماتروحون ترى الشقق و الفنادق مو مره كثيره بالكويت
و احنا مره رحنا و مالقينا سكن اخر شي سكنا بفندق ماكان كويس قديم و لا هو نظيف و لا فيه فطور و لاشي و كانت الغرفة بـ 40 دينار يعني حول 600 ريال

انا اشوف بالسالميه شقق فندقيه مفروشه
وقريبه من سوق السالميه واكثرها اخوانا السعوديين
وفيه ايضا بشارع المطاعم بالسالمية بودل وهذا معروف عندكم
بس ما أدري بالضبط كم غرفه ؟
الأفضل لكم تستأجرون شقه لأن الفندق ما يسمح بأكثر من 3 اشخاص بالغرفه