ماهي افضل اماكن السكن في جدة اقامة أسبوعين وأهم المطاعم؟


(Ali8) #1

انا طالعه لجدة تبع عمل زوجي من اسبوعين لثلاث اسابيع ,

وبما اني اول مره اجي جدة

الله يسعدكم ابي اسألكم عن افضل الاماكن فيها وبدون اطفال
تكون نظيفه ورايقه

والله يسعدكم ابغى تدلوني على مطاعم حلوه واهم شي اطلاله على البحر لو حصل !..

ورأيكم في الشلال و عطاالله ؟

الله يجزاكم الجنة …


مطاعم إفطار في جدة ؟
(mos) #2
  • مطعم لوسيل الفرنسي جداً رومانسي و يدور كمان

  • و مطعم كاسبر اند غامبنيز بالتحلية

  • و مطعم هندي اسمه بهارات بستارز أفينيوز

  • و مطعم اوشن بلو بفقيه أكواريم عالبحر مره حلوه جلساتهم

  • مطعم نارنج بالروضة مره جلساته حلوه واكله لذيذ

  • ومطعم شبابيك بالتحليه

عالعموم التحلية مليانه مطاعم حلوة زي شيك شاك و تشير كيك فاكتوري

مطاعم بإطلالة على البحر:

  • مطاعم وكوفيهات بارك حياة

  • بلو أوشن _ في فقيه أكواريوم

  • السقالة

  • كنز أبحر

  • الودعة

  • بلاجيو

المطاعم والكافيهات الموجودة في بعض الفنادق… مثل الروز وود -قصر الشرق- البلاد-
ووممكن لو تحبي الأكل البحري … تروحي لمطاعم القلزم أو توينا… أو ثول
المولات فيه مجمع العرب و عزيز مول أو الردسي جميل

عطالله والشلال ماهي ذاك الزود… خصوصا لو ما معاكم أطفال ولا راح تلعبوا الشلال طبعاً أفضل من عطالله وأكبر مساحة وأرتب… وفيها جلسات ومطاعم وألعابها أكثر

أو ممكن تروحوا جدة التاريخية (البلد)

وبرضو مرسى الأحلام … اركبوا قارب يمشيكم ساعة أو نص ساعة في أبحر الجميلة مرره وناسة خصوصا لو الجو حلو والهواء يرفرف