كيف ارتب لرحله بحريه فى الاسكندريه ؟

مسافر الى مصر قريبا ومعظم رحلتى ستكون فى الاسكندريه ان شاء الله وسمعت من بعض الاخوان عن الرحلات البحريه فى مدينه الاسكندريه وسؤالى هو من اين احجز لتلك الرحلات وكيف؟ وايضا اذا حدا جربها يحكيلنا تجربته ؟

لو تقصد الجولات البحرية داخل الإسكندرية
فيه رحلة شاركنا فيها سابقاً اخذناها عن طريق الفندق من مكتب سياحي

كانت كالأتي
جولة بـيخت 10 ساعات فى شواطئ اسكندرية بداية من بحري (نادى اليخت )لحد ابو قير… بعد الوصول لـ (جزيرة جريش ) من جانب المعموره رسى اليخت لـلغطس و الصيد و النزول للفطور على جزيره جريش

• يتكون اليخت من دورين ومكان خاص بـ صن دك .
• مكان مخصص للصيد .
•غرفة لتغير الملابس ماستر روم بعد نزول البحر
• مطبخ كامل و حمام

- اللي عايز ينزل البحر فى اى مكان بنتوقف باليخت فى اى شاطىء الي جانب الاستمتاع بالمناظر البحر وغروب الشمس

بعد الوصول الى جزيره جريش قضينا معظم اليوم هناك و رجعنا بحري من مكان الركوب

•الرحلة بدأت الساعة 8.30 صباحا وخلصت 5.30 قبل المغرب
•سعر الرحلة: 100 جنيه الفرد
•عدد الجروب من 20 : 25 فقط

•سعر وجبة الغداء للفرد 35 جنيه … تشمل : وجبة اساسية
( سمك بورى سنجارى - 4 قطع جمبرى حجم متوسط - 4 قطع سبيط -عيش - سلطه + رز ) وجبات فراخ حسب الطلب . - جميع المشروبات الساخنة (نسكافيه - قهوة - شاي - كابتشينو) مجانا
***
ومن السهل كذلك الحصول على القوارب واخذ جوله بساعة أو ساعتين أو أكثر حسب رغبتك ويكن بالإتفاق مع المراكبي .
ملحوظه :
هذه الرحلات تكثر في الصيف مع تواجد المصيفين والسياح لأنها تنظم لمجموعات نظراً لكبر اليخوت . لكن ممكن تروح لنادي اليخت المصري في الإسكندرية أو تتصل بهم هاتفياً وتسأل عن امكانية رحلة خاصة أو الإنضمام لمجموعة صغيرة