ممكن تعطوني جدول رحلة الى لبنان لمدة خمس ايام؟


(dossary) #1

السلام عليكم

اود السفر الى لبنان لمدة خمس ايام اربع ليالي

طبعا السكن بكون في جونيه بغيت افضل فندق ويكون قريب من السوق والكورنيش وسعره بين 80 - 100 دولار

وجدول رحله لمده خمس ايام لانه سفري حيكون يوم الجمعة تاريخ 10 الصباح والرجعة يوم الثلاثاء تاريخ 14 مساءا .

علماً باني من هوات التصوير وحبي الشديد لطبيعة فبماذا تنصحون الاماكن الجميلة

وبالنسبة عند المغادرة من بيروت في المطار واذا كانوا معاي باقي من الدولارات هل يسمحون بها معي للمغادرة ؟

وشكرا مقدماً


(استشاري ترانزيت) #2

هلا والله

بخصوص فنادق جونية اتوقع ايكروبولس هذا اسمه يمدحونه

رح اعطيكي بإختصار
باليوم الأول فيكم تتطلعوا على جونية وجبيل والتلفريك ومغارة جعيتا وتسوقي من جونية والكسليك وبتتغدوا بمطعم مانويلا وبالليل سهروا بالسوليدير بالبتي كافيه أو روتانا كافيه وفي كتير كافيات غيرن

باليوم التاني طلعوا على فاريا عملوا ولو بدكن فيكم تدمجوا فاريا مع أول يوم

باليوم التالت طلعي على الشوف على بيت الدين وقصر موسي وجزين وصيدا زوروا قلعة صيدا البحرية وتغدوا بمطعم الحان وتسوقوا من سوق صيدا وبالليل سهروا بفردان أو عنديك مطعم اوتار

عملي يوم للتسوق لو حابه تتسوقي روحي على سوق بربور وسوق الجامعة العربية وسوق مارالياس وسوق الحمرا وفردان والسوليدير وسوق برج حمود وال abc والستي مول والبايروت مول وروحوا بالليل عالسينما

كمان فيكم تروحوا عالروشة وكمان لو حابين بتعملوا يوم لزيارة الشمال أو البقاع الأوسط زحلة وشتورة وبحمدون وعاليه بس ما رح تستفيدوا شي إلا من الطبيعة لأنو كل شي مسكر ما بلش الموسم بعد

رح اعطيكي عدة مطاعم أكلا طيب عنديك بربر وعنديك السلطان إبراهيم مطعم سمك وعنديك للسهرة كمان البايروك وعنديك البلتوس بس غالي كتير عنديك

اماكن التصوير كل زاوية في لبنان تعتبر مكان للتصوير لكن اطلع لفاريا …قمم الجبل بكتون في وقتك اطلع للشوف وراح تحصل اللي تبيه

بخصوص الدولارات ما في احد يسألك يعني عادي