ما اقتراحكم في الاختيار بين الفنادق التالية في دبي ؟

    السلام عليكم ورحمة الله وبركاته

    اسعد الله مساكم ياخواني ( تكفون ساعدوني متوهق من جد) بكره ان شاء الله مسافر الى دبي عندي مؤتمر هناك.
    ولي يومين ادور فنادق درت كل الفنادق والان انا محتار في هالفنادق الثلاثه هذه .

    تكفوون وش تنصحوني فيه . ارجووكم بعد ساعه خلاص بحجز تاخرت عن طريق BOCKING

    Grand Midwest Tower – Media City
    Four Points by Sheraton Sheikh Zayed Road
    Media Rotana Barsha – Dubai

    طبعا انا الي الان محتار بقووه بني الثاني والثالث مع ان الاول ارخص .

    سؤال اخير ياشباب الان لو حجزت من بوكنك الساعه نقول مثلا 9 بليل اليوم …. وبكرى رحلتي 5 العصر دبي

    هل الفندق عالطول راح يستلم حجزي من خلال الموقع ولا راح ياخذ واقت ..؟ اخاف اصل الفندق ويصير لسه مايدري الفندق عن حجزي؟؟؟ خبراء بوكنق

    تحياتي بنتظاركم تكفون ياملوك

    مسافر جديد كتب منذ في 24 يوليو، 2015 في قسم السفر إلى الإمارات.
    إضافة تعليق

      اولا ربي يوفقك ان شاءالله في زيارتك..
      بما انك حجزت انا بعطيك سلبيات وايجابيات كل فندق..
      شيراتون فوربوينت وروتانا البرشا تقريبا نفس المستوى من حيث الفخامة لكن بالنسبة لشخص نفسك اول مره يجي دبي بروحه انا انصحك بشيراتون فوربوينت.. موقعه في شارع الشيخ زايد وكل شي جنبك من ناحية المطاعم والمقاهي واماكن التسوق.. تقريبا عندك من 7 ل 10 كيلو من المحلات والمطاعم والمقاهي… وممكن توصل بدون ما تاجر سياره (هذا ما يمنع انك تاجر سياره لمدة يوم او يومين عشان تروح الاماكن الثانية في دبي مثل جميرا و مول الامارات ومول دبي)

      روتانا البرشا مافي شي جريب منه بشكل مباشر لكن موقعه بين مول الامارات (البرشا) ومنطقة دبي مارين اللي فيها الممشى وفيها دبي الجديده والمرسى .. لكن بتحتاج لتاكسي او سيارة عشان توصل لهالاماكن…. على فكرة الممشى فيه عدة فنادق فخمه و اسعارها حلوه لكن يعتمد على مكان المؤتمر مالك..

      في كل الحالات انت بتستانس ان شاءالله في المكانين…
      ممكن اذا قلتلي مكان المؤتمر افيدك اكثر و اقولك وين تحجز.. (اذا بعدك ما اكدت حجزك)
      انا من بوظبي بس دايما اروح دبي…. وجربت معظم فنادق دبي..

      مسافر خبير كتب منذ في 24 يوليو، 2015.
      إضافة تعليق

      إجابتك

      عند نشر إجابتك, فانت توافق على سياسة الخصوصية و شروط الخدمة